Հեռացվում են ձյան հետևանքով կոտրված ճյուղերը, կարգաբերվում են վնասված ենթակառուցվածքները. Երևանի քաղաքապետարան

Загрузка...

128

Երեկ օրվա ընթացքում և այսօր ողջ գիշեր տեղացած ձյան պատճառով մայրաքաղաքի որոշ հատվածներում արձանագրվել են ծառերի ճյուղերի կոտրվելու, դրա հետևանքով նաև հաղորդալարերի և այլ ենթակառուցվածքների վնասվելու դեպքեր. տեղեկացնում է Երևանի քաղաքապետարանի տեղեկատվության և հասարակայնության հետ կապերի վարչությունը։

Երևանի քաղաքապետ Տարոն Մարգարյանի հանձնարարությամբ քաղաքապետարանի աշխատակազմի կոմունալ տնտեսության, բնապահպանության վարչությունների, մայրաքաղաքի վարչական շրջանների համապատասխան ծառայությունների, «Երքաղլույս» և ՀԷՑ ընկերությունների ու այլ կառույցների համագործակցությամբ ներկայում ընթանում են կոտրված ճյուղերի հեռացման և վնասված հաղորդալարերի վերականգնման աշխատանքներ:

Արվում է հնարավորը` հետևանքները կարճ ժամկետում վերացնելու համար: Պատճառված ժամանակավոր անհարմարությունների համար հայցում ենք մեր համաքաղաքացիների ներողամտություն


Source: http://www.andradardz.am/

ՓԱԿԵԼ
ActionTeaser.ru - тизерная реклама